为「张馨予2.0」解画 吴卓羲否认恋菊梓乔：唔通tag完就要结婚咩？

吴卓羲（Ron）昨日（10日）忽然于凌晨4时零4分、在社交平台上没有任何留言下tag菊梓乔（Hana）。这个「凌晨tag」随即引发网民热议，Ron疑刻意公开认爱，又或是稍后有合作，更有猜测是「张馨予2.0」用Ron帐号宣示主权的翻版。Ron今日出席活动时亲自解画，指是一场误会。

Ron现身时明显有备而战，被问到是否应恭喜他成功脱单？他即澄清道：「因邓智伟关系，我认识咗菊梓乔几年，但社交网上一直冇互相关注，当晚我喺开工刷手机，见到佢个名，因此就关注佢后再加tag，我以为tag就系通知佢已经关注咗。其实我唔太识得玩社交平台，加上我手指头大，很容易揿错。」

Ron称社交平台一向是由经理人代劳，认为大家想多了，他续说：「总之今次系大家谂多咗，冇谂到一个tag就引起咁多揣测，甚至讲到系2.0版，好好笑！（张馨予2.0版？）系呀。」有传Ron和Hana曾被撞在大埔一起逛超市？他说：「我自己就经常去嗰个超市，但冇同佢一齐去过，总之人哋讲乜我控制唔到。（有否就事件联络？）我有同佢讲闹出咗啲误会，佢听完又冇特别，只答咗一声『哦』。（有没有失望？）冇问呀，唔通tag完就要结婚咩？总之以后睇清楚先揿掣。」至于事发当日，他未有回覆传媒，他称因会出席活动，打算一次过亲口解释。

问Ron对Hana有否好感？Ron只赞对方唱歌好听，也希望可以合作；但是否喜欢的类型及有否发展机会等一概不答。至于感情状况，他表示不想多谈，但直认仍在拣选另一半中。