難得在港即Gathering 上山詩鈉收梁朝偉《尚氣》簽名 Figure

我們的影帝梁朝偉呢期出鏡率好高，因為佢主演嘅Marvel首部華裔超級英雄電影《尚氣與十環幫傳奇》啱啱上映，已有約1.5億美元票房（約11.6億港元），成績相當好。

身處香港的梁朝偉日前就畀《頭條日報》影到佢出入中環，見佢仲揸緊起碼揸咗15年嘅黑色Range Rover Sport，背囊都孭咗超過4年，超級長情。對死物都咁專一，對人就更加，佢一喺香港就會約老友飯聚，包括同佢兩公婆都好Friend嘅上山詩鈉，除咗又飲又食，上山仲有禮收，就係梁朝偉戲中角色「徐文武」嘅Figure，個盒仲有上款同親筆簽名，佢就好啦。