5千萬港幣市郊豪宅隔離中 C朗變人肉玩具任仔女又騎又爬

2021-09-06 18:45

上周六，C朗提早離開葡萄牙隊訓練營後再同家人搭私人飛機飛往曼徹斯特，更獲前隊友兼現任曼聯技術總監費查親自接送。另外，曼聯已確認C朗將重披7號球衣，亦會於下周中歸隊到卡靈頓訓練基地操練。

據外媒報導，C朗在曼徹斯特隔離5天期間，入住由曼聯租用位於市郊，市值數百萬鎊(約5千萬港幣)的一間豪宅，內有7間套房，亦有高科技健身室、泳池和按摩浴缸，並有一支6人保安隊駐守巡邏。

睇C朗同佢女友嘅IG，人哋隔離喊晒口，呢一家六口喺豪宅隔離就相當歎，因為豪宅位於郊外，附近有超大片草地，又有樹仲有羊，呢種隔離真係唔怕隔耐啲，見C朗同啲仔女喺草地玩得好開心，仲變身人肉玩具，任仔女爬上身又騎又剩，喂，話晒搵食工具，小心啲好喎。

小朋友無限放電玩得開心，「兩公婆」就歎住咖啡曬太陽，睇吓C朗點講:「Who says there's no sun in Manchester?!?! 」(邊個話曼徹斯特冇陽光㗎)，咁招積咩。