復出有難度丨老公唔鍾意拍性感親熱戲岑潔儀：成日要我著長褲

2021-09-06 16:45

岑潔儀（Zoey）和布偉傑今日出席活動，兩子之母的Zoey，笑言會為兒子報讀不少課外活動，每個月要動用5位數字，由於兒子就讀國際學校，除了要補習中文和國語外，亦會培育運動方面。她說：「報讀咗游泳班、踢足球，而大仔亦學緊劍擊，又鍾意彈結他，細仔就鍾意打鼓，佢哋可以搞隊boy band。」

Zoey透露現時在網上做首飾生意，又認為工作可增加不少自信，若參與幕前工作則要視乎那種性質，因為老公Dixon不喜歡她拍攝親密戲。她說：「我可能出席活動著得性感少少，老公都唔鍾意！佢成日要我著長褲。」問到可想追生女，用來對付老公？她說：「生到個女都好呀！但睇過幾位師傅話我生第三個都會生仔，第四個都會係仔。」