5千万港币市郊豪宅隔离中 C朗变人肉玩具任仔女又骑又爬

2021-09-06 18:45

上周六，C朗提早离开葡萄牙队训练营后再同家人搭私人飞机飞往曼彻斯特，更获前队友兼现任曼联技术总监费查亲自接送。另外，曼联已确认C朗将重披7号球衣，亦会于下周中归队到卡灵顿训练基地操练。

据外媒报导，C朗在曼彻斯特隔离5天期间，入住由曼联租用位于市郊，市值数百万镑(约5千万港币)的一间豪宅，内有7间套房，亦有高科技健身室、泳池和按摩浴缸，并有一支6人保安队驻守巡逻。

睇C朗同佢女友嘅IG，人哋隔离喊晒口，呢一家六口喺豪宅隔离就相当叹，因为豪宅位于郊外，附近有超大片草地，又有树仲有羊，呢种隔离真系唔怕隔耐啲，见C朗同啲仔女喺草地玩得好开心，仲变身人肉玩具，任仔女爬上身又骑又剩，喂，话晒搵食工具，小心啲好喎。

小朋友无限放电玩得开心，「两公婆」就叹住咖啡晒太阳，睇吓C朗点讲:「Who says there's no sun in Manchester?!?! 」(边个话曼彻斯特冇阳光㗎)，咁招积咩。