嘴多惹關注丨馮盈盈與李佳芯連環傾偈 遭李思捷數白欖「教訓」

李思捷主持及監製的TVB遊戲節目《思家大戰》昨晚（5日）播出的第二集，嘉賓請來劇集《智能愛人》演員李佳芯（Ali）、馮盈盈、泰臣、簡淑兒、Joe Junior組成「智能」隊，與陸永、麥美恩、江欣燕、盧宛茵、戴耀明組成的「愛人」隊爭奪5萬元獎金獎品。

全晚最令一眾嘉賓為難問題，絕對是「問咗100個人，同鍾意嘅人攬埋一齊，男人會有咩反應？」由於答案「呼之欲出」是生理反應，爭贏回答權的智能隊隊員都盡量圍繞周邊答案包括：「心跳加速」、「緊張到流汗」及「想錫佢」等回答；回答次序較後的馮盈盈，由於可以答的答案都被隊友答光，只好硬著頭皮回答：「血液集中流向身體某一處！」由於得體又中Point，成功獲得全場掌聲。

而另一考起嘉賓問題，竟是「講一部周星馳嘅電影」；雖然共有八個答案上榜，但卻相當難估。率先搶答的Ali先估《長江7號》，可惜「燒焦」咗；正因如此，愛人隊爭得「隊際回答權」，可惜胸有成竹的他們回答了《家有囍事》及《審死官》均沒有上榜，連思捷亦不禁搲爆頭：「咁多個答案冇理由冇《審死官》！」最後因盧宛茵回答的《美人魚》未有上榜，智能隊獲得補答權，並由打頭陣輸了一仗的Ali憑《唐伯虎點秋香》扳回一城。

昨晚焦點絕對是馮盈盈，雖然江欣燕及麥美恩均表情多多又搞笑，但都不及馮盈盈「惹關注」；可能與Ali份外友好，她一再被思捷發現傾偈，發出三次「不准傾偈唔可以提水」警告都不得要領後，他終決定改用數白欖「阻嚇」馮盈盈，結果成功令她扁嘴兼封嘴，更一度做出知錯表情求饒，場面搞笑。