與Ansonbean首度合作開心 Ashley自認係浪漫底信緣份

Ansonbean與林愷鈴（Ashley）今日到會展出席宣傳活動，二人首次合作拍攝廣告，Ansonbean飾演一名孱仔，他笑指，廣告跟他的現實生活中相似，因為他本身是「瘦底」，捱幾日便會病，所以日常很注重健康、經常做運動和多睡覺。不過，Ashley卻讚他拍攝時踏單車及動作很到位，並沒有孱仔感覺：「拍廣告嘅時候佢係好有陽光、搞笑同活力，雖然拍攝嘅時間好長，但係成日都令大家好開心。（佢係咪你杯茶？ ）佢係大家杯茶。哈哈！（你鍾意嗰類型男生？ ）冇指定類型，我係浪漫底，信緣份。」Ansonbean則大讚Ashley非常勤力，趁拍攝空檔便會練歌，而且唱得很好聽。問到是否只唱給他聽？ 他否認說：「她唱畀大家聽。（佢又係咪你杯茶？ ）她係大家杯茶。（想同佢喺音樂上合作嗎？）希望有機會，（會同佢合作跳唱歌嗎？）一定會。」不過Ashley卻稱自己手腳不協調，跳舞部分要交給對方。