成身黑出席威尼斯影展 C朗嫂谷「枕頭胸」好搶鏡

今年7月，C朗（Cristiano Ronaldo）一家六口去咗西班牙小島Majorca度假，成家人加C朗前隊友坐超豪華遊艇由西班牙玩到去法國康城，當時曬咗一身健康膚色嘅C朗嫂，仲着到鬼火咁靚去埋康城影展Show吓個靚Body同啲又大又閃嘅珠寶。

C朗嫂呢幾日亦去咗威尼斯影展，咪問關佢咩事呀，C朗嫂有幫NETFILX拍真人騷紀錄片，加埋男友係C朗，有資格出席有餘啦。見佢着到成身黑，谷胸Tube Top加長褲，心口嗰個「枕頭胸」好鬼搶眼，加埋又大又閃嘅鑽石鍊同鑽石戒指仲有名錶，堪稱人生真美好界嘅KOL。