臨瞓前打算加熱雞煲翌日食　姜文杰大懵冇熄火險釀火災

秦沛（Paul哥）大仔姜文杰（Benji）連續兩日手痕落廚，之不過他都幾「大頭蝦」，竟然忘記自己開火煮食，差點出意外。Benji昨日在社交網憶述事件：「榴槤雞煲的故事，噚晚：不如加一加熱先瞓覺，聽日起身仲好食㗎。點知有人唔記得熄火，嗰個人，就係我！」

見到Benji貼出的片段，個煲燒到燻黑，明顯是已經煲乾水，不過以其煲的受損程度來看，相信已燒焦了一段時間，Benji其間一直未有察覺，看來他所講「加一加熱先瞓覺」，其睡眠質素相當之好，所以聞不到燶味，也不覺得得屋內有煙。不過燶到咁唔知，下次煲嘢真係要小心一點，一陣搞到火燭就唔好啦！