演鬥聽｜劉威煌唔認出賣布志綸讚曾比特好識講嘢

2021-09-03 00:00

王梓軒（Jonathan）於最新一集《演鬥聽》邀請到布志綸（Alan）、劉威煌、曾比特（Mike）及周詠婷（Kerryta）來個音樂格鬥。
在節目的「我點你作」一環中，劉威煌出賣Alan，將對方口訊用作素材，威煌反駁：「冇出賣佢，只係節目組要求，希望搵啲搞笑嘅voice message出嚟，咁啱今集對Alan，佢個人係好認真嘅，但佢唔係好識推（拒絕）我，所以我攞咗呢個voice message出嚟，好搞笑，佢推得好婉轉，不過我拎出嚟之前都有問過Alan，當然要尊重番佢，佢覺得ok、好笑嘅。」

Mike被問到上《演鬥聽》的困難及壓力？他說：「除了落大雨塞車，最困難都係創作嗰part，臨尾要創作4個bar，我平時寫作方面都爭少少，同埋要喺一個好短嘅時間創作出嚟，幾有挑戰性。」Mike續謂：「我有壓力㗎！你哋個個都係高手，咁多高手雲集，主持人又係Jonathan，我作為新人遇到咁多前輩，我都好驚㗎！」威煌笑指現在的小朋友好識講嘢！