布志綸回歸樂壇承諾fans：繼續出新歌做live show

前樂隊MR的主音布志綸 (Alan)去年簽約成為Sony Music旗下唱作歌手，經過多月的籌備，昨日終於推出加盟後的首支單曲《第一億次細胞分裂》，唱片公司更特別舉行「《第一億次細胞分裂》發佈會MINI LIVE」。Alan透露自簽約Sony Music後，創作了十多首歌，但都被公司「彈歌」，他解釋道：「之前受到疫情影響唔太開心，寫啲歌都比較灰暗，有次同公司同事開會，大家都覺得呢啲歌未必能令大家了解我，聽完之後搞到我嗰晚瞓唔著，瞓咗成晚，然後都認同我係被氣氛帶動嘅人，果然當局者迷。」Alan翌日再去學攀石，天氣風和日麗，身邊一齊攀石的也充滿正能量，令他頓然醒覺，第二日又是另一天，重新開始過：「然後再寫Demo時，我唱咗『It is another day』呢句入去。其實今日有乜嘢唔開心都好，聽日又係another day，又係一個新開始，每個新開始用乜嘢新心態去面對，係你自己嘅選擇。」結果《第一億個細胞分裂》也因而誕生。

其後Alan與Hey Joe Trio，以及擔任客席結他手的Michael C一同演繹《第一億個細胞分裂》，現場觀眾睇得興奮拍和，網上觀眾也紛紛留言，大讚「好熱血，好感動」、「好有火，正」、「好正呀首歌」。接着Alan再演出了多首作品，包括《如果我們的語言是威士忌》、《人在野》及《經得起變化》，另外亦翻唱了Post Malone《Circle》及John Mayer《Love on the Weekend》。玩得興起的Alan，在現場觀眾的起哄下，Alan與樂隊邊Jam邊唱出《感動》，最後Alan對樂迷，亦對自己承諾道：「由樂隊到而家呢十幾年，都係堅持做音樂冇停過，好希望可以透過音樂釋放自己嘅想法，亦應承大家會繼續出新歌做live show，答謝大家。」