陳凱琳透視黑Bra現身 Derek唔介意姊弟檔拍戲： 要家姐翻譯中文

陳凱琳（Grace）與胞弟陳浩彰（Derek）首次以姊弟檔出席活動，Grace以黑色Bra Top透視裝上陣，非常性感；而Derek表示心情緊張，幸有家姐Grace坐陣。

Grace解釋今次跟弟弟出席，因為兩個仔要返學，老公鄭嘉穎又要開工，弟弟也不介意一齊前來。談到可會以姊弟檔拍戲，Derek笑言若對白以英文都可以，因為本身中文不叻，又指家姐中文比他更好，因為對方用不少心機學中文，如果拍戲的話，家姐可幫他翻譯。Grace即說：「其實我識得嘅中文得五成。（老公嘉穎同囝囝可以教你中文？）依家大仔Rafael讀緊國際學校，但將會轉讀本地傳統學校，小朋友適應力好強，但都要早啲轉等佢適應，相信佢嘅中文遲啲會叻過我。」