【酷熱警告】周秀娜樽領衫配黑絲 為排骨胸解畫：本身生得比較高

今日酷熱警告，周秀娜（娜姐）以樽領秋冬服襯黑絲襪出席活動，同場還有陳凱琳（Grace）與胞弟陳浩彰（Derek）、王麗嘉（Irisa）等現身。

近期在社交網頻頻大晒滑水英姿的娜姐，坦言喜歡這項運動，要趁著夏天未完結前去玩。談到她的泳裝look驚現「排骨胸」，令不少網民心痛。她說：「我本身胸骨生得比較高，都好想自己生得高一點。（可會增肥？）我鍾意食嘢，可能揀件泳衣揀得太好，如果滑水揀包得唔夠實嘅泳衣會走光，我試過成件泳衣飛出嚟，好彩有着救生衣，冇走光。」

對於加盟古天樂旗下的天高娛樂，娜姐坦言好開心可以加入這個大家庭，跟經理人的理念好想似，自己主力想拍電影。有指捧她成為影后？娜姐說：「係就好，有就梗係好啦！但自己想專心拍好啲戲，有戲又有角色適合時候就畀心機拍。（想奪得影后獎項？）我諗每一個人都會想，但係咪拍每套戲都話要拎獎、做影后？拍戲冇得估計。」問到公司會否開新戲讓她擔正做女主角？她說：「都有劇本度緊，暫時未有咁快，剛剛開始。（男主角由古天樂擔演？）未去到咁detail，你都知佢部部戲都係男主角。（想跟古仔拍檔拍戲？）咁我要曬黑啲先，之前跟古仔在《P風暴》合作過。（合作後洽談簽天高娛樂？）都算係幾有緣份，當時跟之前經理人合約未結束，唔想麻煩到其他人，依家時機剛剛好。」