又俾愛犬咬傷手指 杜如風求救朋友勸搵Dog Trainer

杜如風(Helen)近年Keep住出鏡，繼ViuTV真人騷《中女唔易做》後又為七師傅的《七救星》做嘉賓，加上要打理甘酒及蜜糖網購生意，但點忙都好，Helen每日都一定會陪屋企兩位狗狗老闆，Dee Dee及Ding Ding。

前日，Helen上載手指受傷片段，見佢隻甩晒皮嘅手指有好多乾咗嘅血傷口，見到都痛，佢留言:「又比狗咬！請問有冇防止『畜虐』會嘅電話可以求救呢？」因為唔係第一次，朋友都勸佢要正視，亦有朋友叫佢搵Dog Trainer，有朋友留言:咁惡?杜如風回答:「超惡呀！成間屋佢大晒！」睇嚟Helen真係要搵專業人士幫吓手喎。