曾奪溫哥華跳水金牌 姜麗文廿年後再挑戰跳水：開心到黐咗線

東京奧運本月初已閉幕，但仍燃點了不少人對運動的熱情，好似現年35歲的姜麗文（Lesley）近來就去玩跳水，原來她於加拿大溫哥華讀書時期，曾是個出色的跳水運動員！Lesley今日於IG連環出Po展示跳水英姿，她興奮寫道：「真係形容唔到我今日有幾開心！！其實20年前，我喺溫哥華跳水係攞金牌㗎！差唔多每日放學就會去學跳舞、跳水、體操！真係好感恩同幸福！其實我呢13年喺香港，都有不停去搵邊度可以學跳水，但係一直都搵唔到……好彩前幾日 @saiming.ching 同我講佢搵到個地方，我開心到痴（黐）咗線！即刻入會，即刻book堂！今日上咗第一堂，20年之後第一次嘅跳水！！算係咁啦～雖然35歲嘅我冇15歲嘅我咁大膽咁energetic，但我會繼續努力，希望會快啲進步！好開心呀～！我真係好愛好愛好愛跳水！」

片中，20年後第一跳的Lesley開頭都緊張到有點卻步，接着拍拍心口向前衝，她先從1米彈板起跳，做出飛身、翻騰、向後跳等動作，之後進階至3米彈板，Lesley也笑稱好像回到10歲時的感覺。