面圓圓被指孕味濃　單文柔嬲豬：會好努力控制水腫

單文柔（Phoebe）與陳展鵬育有愛女陳諾瑤（小豬比），轉眼間小豬比已經兩歲大。單文柔日前在IG的限時動態上載短片，自爆被人質疑是否有喜，令她不知好嬲還是好笑，她寫着：「我會好努力控制我水腫問題，好多人見到我出咗Post後都話我肥咗，問我係咪有咗？（3個喊樣emoji）我冇用effect，通常夜晚就會冇晒水腫問題，我下次留番夜晚先拍片。」其實近年不少藝人都三年抱兩，Phoebe跟展鵬又有打算追多個，未知是否真的有喜？

而Phoebe自從誕下小豬比後，亦減少幕前工作，只專心湊女照顧家庭，但仍會做KOL搵真銀，兼分享湊小朋友的生活小趣事。日前她便在IG上載幾張囡囡表情多多的得意相，紅色衫仔襯一大頂士多啤梨帽子，一時扁嘴一時哈哈笑，十分可愛。Phoebe留言：「為咗你每日都要趕行程，碎片式生活更加碎，但一切都值得，希望可以陪伴你成長，我又可以爭取時間做到自己嘢！」