跟陳倩揚分享素食心得 敖嘉年自爆拋鑊捱鬧

敖嘉年作客陳倩揚主持最後一集的香港開電視節目《你得我得大家得》，於節目中分享了素食心得。敖嘉年說：「5、6年前喺內地拍嘢，因為好怕食肥膩嘢，於是叫劇組烚菜、蛋同豆腐，食食吓就習慣咗，返香港之後繼續試吓食素，其實轉嘅過程好辛苦，因為開外景通常食叉雞飯，一打開飯盒聞到好香，自己好似俾蟻咬咁，不過慢慢過度咗之後就OK。」

席上，敖嘉年還展現熟練的廚藝，被陳倩揚爆他其實是大廚。敖嘉年說：「爸爸做廚房，我細細個喺廚房煮嘢好鍾意拋鑊，拋到周圍都係，俾老竇鬧，不過依家無火煮食，拋唔到鑊。」敖嘉年又謂跟倩揚已十年未有同框演出：「嗰時同你（指陳倩揚）拍節目，你啲小朋友都未出世，又未結婚；拍完個節目，你又結婚、又生仔。」