早產B信信感染2惡菌痾嘔發燒 媽媽盼盡快康復：瘦咗成個圈

早產男嬰信信出世2個半月大時已確診肝臟纖維化，今年2月換肝後，再於5月接受微創手術，情況仍然反反覆覆。近日信信因感染病菌持續發燒，需要插尿喉。媽媽今日表示，經醫生檢查後發現信信身上有兩種病毒，也是可引致肚屙的病毒。雖然信信消瘦了，幸好現時有笑容，也會尖叫、玩腳仔。

信信媽媽在上周末曾表示，信信解決肺部漲氣後，因感染細菌影響呼吸，須使用抗生素與病菌對抗。惟由於信信體內抗生素過多，感染另一隻病菌，病菌在腸道內增生，造成肚屙情況。因此信信突然發燒及一直嘔吐，須要停奶及吊鹽水，直到停止肚屙。他更於周五起需要插尿喉，現時會斷斷續續地退燒，不久後又會再發燒，讓媽媽擔心不已。

今日信信媽媽更新情況指，信信感染洛沃克病毒和困難菌（困難梭狀桿菌感染），惟兩種也是引致嚴重肚屙的病毒。「今次慘慘豬喇有排屙！睇見你屙到瘦咗成個圈真係肉赤，可憐嘅寶寶。」信信只是完成14天抗生素就可以清走困難菌，至於洛沃克病毒就需要待他屙清為止。

不過醫生提及近期有好多小朋友出現肚屙情況，甚至涉及護士，所以不排除醫院同層有小型爆發。因此醫生、護士也吩咐家長們，每次接觸小朋友前都要清潔好雙手和穿防護衣。每次換片後也要好好清潔雙手，回家後第一時間換衫沖涼以免傳播給家人。因為感染洛沃克病毒要肚屙一段時間。

信信媽媽說，「琴日見到你雖然瘦咗成個圈。但幸好你會笑了、會尖叫了、仲會玩腳仔。這都是能讓媽媽再一次感到安心的表現，感謝你用好表現令媽媽得到安心。雖然你呢幾日都好扭計唔俾媽媽行開一步，但媽媽甘願承受甜蜜的負擔 。希望你快啲好番，唔好要媽媽同所有關心你愛你嘅人同姑娘、醫生擔心太久。加油快快好起來 !」

資料來源：救救小心 – 肝