為譚詠麟預祝71歲生日 關楚耀父子送上極尚品清酒

年年廿五歲嘅「校長」譚詠麟，十足老頑童一樣，幾時都咁開心、咁鍾意玩。8月23日就係譚校長嘅71歲生日，雖然仲有一段時間，但佢向來朋友多，日前已經有契仔關楚耀同老友關維麟一齊為佢提前慶祝生日。

譚校長喺微博上載一系列生日相，寫住：「契仔關楚耀和他爸爸關維麟（我全盛時期的大部份金曲唱片監製）為我慶祝生日，帶來兩枝極尚品的清酒。」相中見譚校長着住白色運動服，好醒神，全程笑到四萬咁口，心情大靚。