为谭咏麟预祝71岁生日 关楚耀父子送上极尚品清酒

年年廿五岁嘅「校长」谭咏麟，十足老顽童一样，几时都咁开心、咁锺意玩。8月23日就系谭校长嘅71岁生日，虽然仲有一段时间，但佢向来朋友多，日前已经有契仔关楚耀同老友关维麟一齐为佢提前庆祝生日。

谭校长喺微博上载一系列生日相，写住：「契仔关楚耀和他爸爸关维麟（我全盛时期的大部份金曲唱片监制）为我庆祝生日，带来两枝极尚品的清酒。」相中见谭校长着住白色运动服，好醒神，全程笑到四万咁口，心情大靓。