睇好《聲夢》炎明熹冼靖峰發展 阿叻退讓：畀多啲機會後生
2021-07-20 15:22 
陳百祥（阿叻）今日與石修及謝雪心等出席食肆開幕活動，他大讚TVB歌唱比賽節目《聲夢傳奇》成功，三料總冠軍炎明熹（Gigi）好有潛質，更覺得Gigi靚過梅艷芳少少，至於落敗的冼靖峰（Archie）則擁有做藝人的聲色藝，唱得亦不俗。阿叻指當年四大天王大家都捧張學友，因為他最唱得：「Archie只係剛起步，仲着數過學友。」他指對方現在沒以前般多對手，姚焯菲（Chantel）只得14歲可以慢慢栽培。
現時最緊要開心的阿叻，笑言不會為港姐競選擔任司儀，稱跟曾志偉「一山不能藏二虎」，叫對方不要打絡自己，他說：「睇譚詠麟同李克勤幾忙，畀多啲機會後生啦，後生仔有創意。」提到被指大宅僭建，他說：「僭建先可以參加特首，我現在內部裝修，關啲人乜事！幾開心畀寫晒身家出嚟，暫時唔使撈，呢啲少事只係內部裝修。」
同場的石修表示完成翻拍的劇集《十月初五的月光》後，跟曾志偉及陳家樂等拍電影《出租家人》，片中會再演方力申父親，感覺會有火花，下月則演出貪污題材電影。新抱林佑蔚（Camille）日前在社交網晒三點式，石修不覺得有問題，只要對方喜歡就得，至於可會心急想抱孫，他表示不談此話題。
關鍵字
最新回應