返美國老家玩足兩個月 吳建豪臨走玩埋酒莊歎紅酒

吳建豪（Vanness）返咗美國老家兩個月探家人，見佢好歎呀，係咁食係咁飲仲係咁玩，去遊名勝去玩槍去打Golf，總之不停約老友去玩，仲過埋43歲生日，睇見就開心。玩完就要努力工作，Vanness上載咗美國親友同佢食飯餞行嘅片，見相中人舉杯飲紅酒，Vanness表示：「一如以往，離開加利福尼亞州之前，傳統嘅最後一餐家常菜晚餐，而呢餐亦令我好難忘。」


離開老家後，Vanness沿途去咗參觀酒莊，睇葡萄園又試紅酒，佢就好啦。