拍《衛食男神》公然挑逗師兄 衛詩雅叮飯有爆炸聲嚇親霆鋒

衛詩雅（Michelle）的網上頻道《衛食男神》會邀請男神講飲講食，最新一集請嚟同門師兄謝霆鋒，她說呢位男神表示首次約會便要上佢屋企並要親自下廚，她為歡迎這位大廚駕到亦緊張地事前打掃屋企。

霆鋒帶備食材炮製日式烤魚和分子牛筋，他在手背試味時，Michelle公然挑逗笑言想舔霆鋒隻手，霆鋒即扮批踭她。霆鋒又顯刀功，並教Michelle拿刀切配料，Michelle問他曾否切傷手，霆鋒表示與外國廚師比賽時，因要快不慎切傷。之後霆鋒叫Michelle用微波爐翻熱白飯，但Michelle卻不懂操控微波爐，霆鋒表示叮飯聽到爆炸聲，問她有否掀起飯盒(疏氣)，她說沒有，最後要工作人員幫手。

另外Michelle又笑問霆鋒首次約會女仔是否便上對方屋企下廚，霆鋒被嚇窒並瞪大眼笑說:「用呢個藉口？Nice to meet you？不如返嚟我屋企食飯！」Michelle再追問時，他說:「冇!」霆鋒又說年幾冇返港，這次返來見家人和宣傳電影《怒火》。