Juicy叮｜窮男友見家長自卑 住九龍塘中產女承諾：我養埋你都得

門不當戶不對？有女網民在「香港討論區」發帖，前晚帶同清貧男朋友回家見家長, 女方出身中產家庭，住九龍塘的私人樓，男友因家境懸殊感到自卑而提早離開。

發文者說「佢（男友）一嚟到就唔係點出聲， 左望望右望望咁，食飯嘅時候都唔係點夾嘢食，後來佢話有啲唔舒服，想走先」。發文者於是落樓送男友離開。然後男友忽然間說好似配不上發文者，「佢（男友）話自己本身搵得唔多，好難用佢份人工畀到好生活我」。

發文者認為，「我好感動佢咁諗, 證明佢好愛我, 唔想我捱苦 」，於是發文者向男友回答，「你無錢唔緊要，我養埋你都得」，之後兩人繼續前行，直至送走男友坐車。發文者慨嘆，「大家覺得家境相配真係咁重要咩」。

有人留言發文者不應輕言養活男友，「男人想靠自己努力搵多啲錢係正常，無理由要個老婆養返個男人，你想個男人上進啲就畀佢捱苦」、「自卑男要唔過，養埋佢？中產養咩鬼」、「自卑是正常，但自卑又唔上進就是廢人。養他，現時你會講，以後就會嘈」。

也有人擔心兩人價值觀不合，「家境影響三觀，以後你買衫買包超出佢預期佢就會很心疼」。

帖文轉載自「香港討論區」