新專輯十首歌YouTube全發佈 Retroll推《新L品》回歸

上月尾Retroll隊員Angus移民英國，移民前都搞掂新歌先絕對做到嘢。今日Retroll校啱阿Dee 31歲生日，加上適逢奧運閉幕，Retroll仝人熱烈祝賀香港奧運代表隊，創造出歷史性嘅佳績，獲得1金、2銀、3銅，特別安排於今日凌晨1點、2點及3點三個時段發佈Retroll完整新專輯《新L品》 十首歌造福人群。

究竟《新L品》概念係咩?官方IG就咁寫嘅:
音樂治療（Music therapy），是利用音樂、節奏對生理疾病或心理疾病的患者進行治療的一種方法。主要是針對在身、心方面「有需要」進行治療的個案，針對其「需要治療」的部分，進行「有計畫」，「有目的」的療程。


簡單嚟講即係好適合香港人聽，好啦睇完呢個報道好拿拿聲去YouTube聽歌嘞。

另外，同場加映Retroll成員同阿Dee慶祝生日，慶生嚟嚟去去都係唱歌，許願切蛋糕，但因心在香港嘅成員Augus身在英國，好彩世上有視像，隔空合體無難度，不過呢班朋友唱生日歌有種暗黑死亡Feel，擁有鳯凰不死鳥絕技嘅阿Dee應該頂得住。