哥哥好錫阿妹超溫馨 張繼聰開工前陪家人去Staycation

張繼聰在社交網發文，原來這位好爸爸即將又要開工，趁變成大忙人之前陪老婆謝安琪（Kay）同仔女再去主題樂園酒店Staycation！阿聰留言：「好快又要拍攝新嘅電影，開工之前，全部時間畀晒佢哋❤️玩盡佢🤘🏼呢啲回憶好珍貴㗎💕開工開到冇電，人生有咩唔如意，一諗番起，即刻生猛番💪🏼為人父母，係咁簡單🤷🏻‍♂️Right ? ❤️」

阿聰上載多張照片，包括他帶14歲囝囝張瞻（James）同4歲囡囡張靖（Kakaball）去游水，不過照片似乎是從遠處拍攝，唔知係咪出自Kay鏡頭下呢？兩兄妹喺水中騎膊馬，之後又着住浴袍同睡衣喺酒店走廊周圍行，James同Kakaball最後仲一齊挨喺欄杆睇大堂水晶燈，畫面好有愛。Kakaball都有着公主裙，食飯時仲舉埋Thumbs Up手勢任爸爸影相，表情十分趣緻。