邀《造星III》Manson合作 葉巧琳新歌：要攞呢隻心獸出嚟

創作女歌手葉巧琳（Mischa）最近與同樣參加過《造星III》的張進翹（Manson），合作推出新歌《心獸（怪物Version》，是Mischa獨唱的《怪物（心獸Version）》後續。Mischa說：「獨唱版係講內心，大家對怪物嘅印象可能覺得好核突，但其實我哋係講緊內心嗰隻心獸。今次新歌，我哋真係去攞呢隻心獸出嚟，即係Manson，佢用咗好多唔同方法嘅演繹。」

獲邀合作的Manson感到榮幸，故十分珍惜今次的演唱機會，他說：「喺裏面vocal（聲樂）上係飾演Mischa嘅心獸，我同監製Edward做好多vocal上嘅嘗試，好感謝監製俾自由度我發揮同錄，所以都好享受整個錄音過程。」

Mischa認為自己與Manson的聲線很夾，並覺得對方很會做戲。另外，她還邀請了曾與金培達一同憑電影《七月與安生》獲金像獎最佳原創電影音樂的波多野裕介 (Yusuke Hatano)負責編曲，令歌曲更加完美。而Mischa將於下月18日舉行入行9年來首個個人演唱會，到時「雙M」可能會同台演出，大家可拭目以待。