Lucy交戲讚老竇玩層層叠「好型」　李璨琛冧到暈錫錫囡囡

李璨琛的3歲囡囡李元元（Lucy）精靈可愛，她的媽咪又不時上載Lucy搞笑趣怪視頻及照片，深愛網民喜愛。今日Lucy的社交網又有新片，一家人與好友齊齊玩層層叠，Lucy望着爸爸認真的神情，加上成功取出積木，大讚爸爸：「嘩！好型呀。」李璨琛即時冧爆，輕輕錫了囡囡一啖。坐在兩父女旁邊的媽咪，變成透明人，她似乎呷醋而留言寫上：「玩層層叠李老竇成功攞咗嚿積木出嚟，李元元竟連忙拍手並失控狂呼『嘩好型呀～～～』李好嘔心呀！有幾型啫！」

不少網民認同Lucy媽咪的觀點，紛紛加入做酸民寫道：「嘩點頂呀，小甜心」、「仲要拍埋手交足戲」、「李老竇優越感立即up」、「爸爸仲要應『梗係啦』」，不過也有人支持Lucy：「由心出發的讚李老竇」、「李老竇，冧到暈啦！」