被江欣燕爆料又鹹又濕 陸永遭女兒無視：佢哋只喜歡睇阿寶

李佳芯（Ali）、陸永、馮盈盈、江欣燕（欣欣）、盧宛茵、麥美恩等眾《智能愛人》劇集演員出席「AI狂想曲」宣傳活動。玩測慌遊戲期間，陸永與欣欣被問到拍親熱戲時有否心跳加速？怎料欣欣即場重演劇中從後向陸永吻頸一幕，並爆料：「當然有！由於夏天流晒汗，吻他的頸時又鹹又濕！」

其後陸永與Ali一起受訪，陸永就欣欣的言論解釋道：「當然會濕，因為天氣好熱仲要著長袖衫呀！」搞笑是Ali也追問：「都係解釋點解會濕，咁鹹呢？」陸永又再說：「因為那一幕係出海在遊艇上發生，有海水自然就會鹹鹹濕濕，同埋場戲係欣欣嫌棄我個樣太差，所以另轉我塊再狂『吸啜』我條頸。其實好多人都話羨慕我在劇中好有艷福，最肉搏的場口就係同欣欣有床上戲，我就冇嘢，但對佢應該有好大心理關口。」Ali即狂笑稱待播出時播出時要好好細味。

陸永提到兩個女在肚中塞Cushion、扮Ali在劇中「阿寶」的大肚樣，又學阿寶的說話模式；雖然知道他有份演出，但只喜歡睇阿寶。Ali笑指可能還會學劇中的阿寶一樣遞拖鞋有服侍，陸永抵死道：「又唔會喎，反而係兩個女叫我做嘢當我機械人！」