【命中注定】Gin Lee夢想成真與張學友合唱：你哋一定會loop爆首歌

歌手Gin Lee（李幸倪）日前在社交平台留言表示：「He said YES」，不少網民猜測她是否宣佈閃婚，不過昨日Gin Lee終於解開謎團，原來她邀請到偶像學友合唱新歌《日出時讓街燈安睡》，今日她又再貼了與學友錄音的相片，並分享合作的點滴。

Gin Lee形容今次與學友的合作是一件非常奇妙的事，感覺是冥冥中已有安排：「首先多謝Eric寫咗首歌畀我，我喺屋企練歌時，總係覺得呢首歌應該要有個合唱版，機緣巧合，有日Eric嘅太太Grace夢到我同學友哥合唱，Eric就索性問Duncan不如試下搵學友哥，結果學友哥聽完個demo好鍾意，亦對 #林若寧 份詞好有感覺，最後應承今次嘅合唱」

她續說：「咁嘅機會真係too good to be true，坦白講，由知道呢個消息到錄完呢首歌，我都唔敢同人講，實在太似一個夢了，Yeah！終於推出喇！恭喜我願望成真，多謝以上幾位促成今次嘅合作。希望你哋可以透過呢首歌得到一啲力量。你哋一定會loop爆首歌嘅係咪？」有份促成今次合作的Eric Kwok留言：「我係喺呢個世界上第一個loop爆呢隻歌嘅人，到而家仲loop爆緊！呢這歌好琴loop！」Gin Lee回覆：「 哈哈，連我用手機錄畀你嘅都畀你loop爆！」