【衝呀】女友視角Feel 陳安立半裸屋企做引體上升

33歲的ViuTV藝人陳安立(Brian)呢期出鏡率好高，因為佢係ViuTV節目《奧運有得揀》主持，睇Brian 身形都知佢係運動人，搵佢主持奧運真係好適合，碌佢IG，見佢跑步又啱踩單車又啱，打籃球又鍾意，難怪咁鬼大隻，不過呢期佢咁忙，加上日日都落雨，唔可以出去做運動可以點?只要你屋企有門就幫到你。

前晚，Brian上載短片到IG，佢喺屋企房門裝咗條棍，用嚟玩引體上升，半裸嘅佢輕鬆做咗十吓面不改容，段片最好睇嘅係好鬼女友視角Feel，特別係佢做完擰轉面行近鏡頭，心跳加速㗎真係。