羽毛球一哥講得出做得到 伍家朗食多咗找數做Sit-up

香港奧運羽毛球代表隊於周日凌晨返港，眾人經過檢測後，直接前往檢疫酒店隔離。香港羽毛球「一哥」伍家朗透露自己返港後心情不錯，睇佢IG，心情的確幾好。

尋日下晝，正於酒店接受檢測的伍家朗Po咗食物相到IG Story，有生菜魚肉啦，辣魚蛋啦，仲有煎釀三寶，佢指呢啲係香港人最欣賞嘅小食，仲話食完會喺房做返一百幾十吓Sit-up。一哥冇吹水，佢夜晚真係有找數，仲要拍埋片，唔知做咗幾多吓，因為佢段片設定為快鏡，點數啫?