港姐郭柏妍突破「AO」有拖拍 「頭皮」吳卓衡自爆戀圈中人

現年23歲的上屆港姐季軍郭柏妍，樣子甜美，被封「港版周子瑜」。她在參選期間曾自爆戀愛狀態是「A0」，即沒有任何戀愛經驗，純過白紙；但早前就被指與處境劇《愛．回家之開心速遞》中飾演「頭皮」的吳卓衡暗撻逾大半年，被影到活動完後分開坐巴士，再合體搭的士，疑玩地下情。

數數手指，吳卓衡在郭柏妍當選幾個月，已將女神追到手。最近更有網民翻出數月前，吳卓衡加入《#後生仔傾吓偈》，被其他主持意外「逼供」，自爆與圈中人拍拖數個月，時間上與郭柏妍非常吻合。

吳卓衡透露自己是「06」，拍過6次拖，現在已有另一半；即被其他主持追問是圈內還是圈外人？他露出尷尬表情，沒有回答，馮盈盈即補幫打圓場：「哦，知咩事！」

事後吳卓衡直認突擊測驗來不及反應，但透露對方不在廠，再被追問一齊幾耐？他坦白說：「其實唔係太耐，因為我哋都係幾個月，要保護好佢先。」戴祖儀讚他願意公開認拍拖，是一個負責任的行為，吳卓衡說：「可能始終係公司入面嘅人，我就……(怕佢睇到？)係，睇到就唔好，我都唔想佢難受。」他最後仍沒有透露另一半身份，但似乎已呼之欲出。