雙親年內先後離世 李麗珍靠女兒陪伴回復心情
2021-08-03 22:10 
李麗珍近年積極投入電影事業，演技獲讚。但早前其父母於一年內相繼離世，造成極大打擊，於是她用了一段時間停工平復。有份參演電影《鬼同你住》的李麗珍、麥方喬（前名：麥家琪）、黃又南等今晚出席《鬼同你住》首映禮，久未露面的珍妹成為全場焦點，雖然面對傳媒時表現稍為緊張，但狀態不俗。珍妹表示:「現在心情回復返好多，不開心的事要靠自己去解決，所以搵開心事去填補，平時會煲下劇。」更有感而發說：「以前拍嘢錯過好多好戲，70、80年代的戲我都睇返，以前唔會睇粵語長片，但覺得睇完個人特別舒服，當時的人好似簡單好多，我會投入咗當係嗰個年代的人，自己都開心啲，反而自己演出的戲少睇。」
珍妹坦言女兒許倚榕（Annise）在這段時間一直陪伴她，女兒是她的最大支持，女兒現時從事設計及美術工作，更主動提出給她家用，令她很意外。她說：「我話咁客氣呀！我仲問佢係咪真㗎？好感動！佢大個女，佢唔想我擔心，因為知道我身邊發生咁多事，好多謝個天賜這個小天使畀我、守護我，否則我會覺得好孤獨。」
另外，珍妹透露早前為溫碧霞投資的新戲客串演出，亦有跟幾位導演洽談新戲，但會繼續工作令自己更開心，而不會胡思亂想。她說：「因為自己響屋企會好易諗起同掛住，希望家人在另一個世界見到我開心，佢哋都開心，我要積極啲工作。」
關鍵字
最新回應