突然有表演睇 張晉用叉凌空拮蘋果

都知道張晉好身手，但冇諗過碌吓ig都有表演睇，表演咩?就係用叉凌空拮蘋果。尋日張晉Po咗段片到IG，佢坐喺沙發再揮動支叉，然後拋高個蘋果再拮實佢放入口，不過可能支叉拮個蘋果唔太實，好難用口食，最後佢選擇手拎住食。

表演完，佢叫大家試吓。留言當然係個個讚佢勁，咁真係勁嘅，大家得閒可以試吓，但小心唔好拮到自己或拮到旁邊嘅人。