【港姐】大熱陳聖瑜變黑怕跌watt 關禮傑囡囡順利晉身20強

《2021香港小姐競選》準決賽及決賽將於8月22日（星期日）及9月12日（星期日）舉行，今屆港姐以真人騷進行晉級賽，經過兩輪淘汰，20位佳麗順利晉身準決賽。今晚她們以泳裝進行外景拍攝，適逢是施茉莉生日，大會安排蛋糕為她慶祝，眾佳麗即送吻祝賀。

關禮傑女兒關楓馨和陳聖瑜均被視為大熱們，陳聖瑜被問到如何保持狀態？她說：「唔知咩叫跌watt，但經過呢幾日拍攝後覺得自己曬黑咗。我覺得白返少少會好啲，但會食多啲維他命C，從內服方面改善。（打入20強係預計之內？）唔係，始終係淘汰賽，可能自己表現上好少少，特別跟泳池相關項目。」


關楓馨表示很好開心，每一次項目都做好自己，但覺得答問題比較緊張，希望學識放鬆，跳舞方面亦想進步。談到打入20強，爸爸關禮傑會否很開心？她說：「佢梗係開心，好支持我！（睇好入三甲？）爸爸從來冇畀壓力，叫我唔好後悔。」

擁有豐滿上圍的陳懿德，表示各佳麗分別有不同的美，不覺自己有特別優勢，反而羨慕有佳麗有好靚的腹肌，她說：「而家減咗16磅，但冇乜腹肌，我會盡力再減。」可覺身材較優勝？她說：「評審睇唔同地方，覺得自己勝在夠堅毅，因為自備電飯煲去蒸雞胸同食蕃薯。」