姑姐做經理人 CY唔擔心意見分歧：我鍾意先會做

陳澤言（CY）今日出席商場活動，首度公開唱歌，笑言：「心情緊張、忐忑又興奮，夠晒押韻！」談到《全民造星III》的冠軍趙祥誠（Ben）及季軍ANSONBEAN已簽公司，CY表示戥二人開心，自己亦正與唱片公司洽談唱片約，經理人則繼續由姑姐擔任，有望今年內推出處男歌曲。

談合約時會否與姑姐意見不合？CY直言意見一定有不同，但會互相尊重，他說：「「音樂上由我話事，其他事情就唔係我話晒事喇，但若有唔啱心意嘅事，我都會反抗，因為首要係我鍾意先會做，哈哈！」CY預告除了早前客串賀歲片外，下月將開拍第二套新戲，較上次有更多戲份，更有意於9月舉行小型音樂會慰藉Fans。