皮寶寶為Frankie慶祝33歲生日 隊友MIRROR：可否不要靚仔下去

MIRROR成員Frankie(陳瑞輝)今日33歲生日，提到生日願望，他說：「希望可以分配時間陪伴所愛嘅人，多啲同家人、朋友見面，將每一刻都過得難忘、精彩。」向予人文靜感覺的Frankie，原來都好渴望玩跳傘、滑翔傘等極限運動，大一歲亦希望可作更多新挑戰。

而Frankie的一班「皮寶寶」（粉絲暱稱）亦出動為偶像送上生日祝福，一部貼滿Frankie靚仔相和祝賀語的「Frankie號」生日應援車停泊在尖沙嘴海防道，大約2時半，記者在該處目睹大約數十名「皮寶寶」在應援車前打卡；車身LED屏幕播放「HAPPY Frankie’s day，7.29」，還有大電視無間斷播放Frankie的跳舞片段，亦有「皮寶寶」向前來打卡的fans派偶像的閃卡，「皮寶寶」也應記者要求影大合照，並即場高呼：「Frankie！生日快樂！」在海防道逗留至下午4時後，生日應援車便出發過海往中環繼續出巡，讓港島區的fans把握機會打卡，祝Frankie生日快樂。


Frankie亦有秘密落區打卡，答謝每一位皮寶寶，並在社交網留言：「好多喺group睇到嘅生日應援都影唔哂，感謝為我生日奔波過嘅每一位，今年都好開心呀哈哈，會繼續用努力去報答你哋，love u all」。

此外，Frankie在個人社交網分享靚仔相，寫道：「生日留言區」，隨即引來隊友李駿傑（Jeremy）和邱士縉（Stanley）搞笑留言叫他不要再靚仔下去，Jeremy說：「求下你，唔好再靚仔落去，好難追，生日快樂﹗」Stanley則說：「可否不要靚仔下去，叫我點算？」他之後更在社交網限時動態分享「失焦」的合照，留言自問自答：「我唔信你咁都仲靚仔。好啦，都仲係靚。」認真搞笑。至於呂爵安和江𤒹生亦有分享和壽星仔的合照。