【東奧】成功見證歷史興奮搲簽名 方力申同張家朗Selfie「自肥」

「香港劍神」張家朗昨晚在東京奧運男子花劍個人賽勇奪金牌，相隔25年成為香港史上第二面金牌得主。身在東京的方力申（小方）先在游泳場館完成採訪工作，續表示「飯都未食就趕去睇張家朗爭金」，見證歷史一刻。之後他待張家朗返回後台，即開Live進行直擊。

小方更拿着T恤趁機索取簽名，之後又掂張家朗及其金牌，兼集郵「自肥」。他興奮表示：「咩叫專業嘅收藏家？就係知道幾時去攞簽名，菲比斯8金簽名，都唔及剛剛勝出比賽嘅張家朗簽名。」小方其後再在街頭拍片，指自己帶着興奮心情、沉重腳步和疲倦身軀回酒店，凌晨約兩點才吃飯，肚餓的他先後「消滅」鰻魚飯及蕎麥冷麵。到早上接近8時，小方又準備出發，直擊港隊「女飛魚」何詩蓓的200米自由式準決賽。