天氣太熱好想涼吓 張震嶽陪仔浸水自己浸腳

台灣歌手張震嶽同太太小涵結婚3年，囝囝小谷沐亦兩歲大，因為疫情，張震嶽要長留屋企避疫， 多咗同囝囝相處，見佢IG都多咗好多同仔仔影嘅相，最新嘅係有水齊齊浸。

因為冇風好熱，張震嶽表示「我都想泡水了」，配圖係囝囝喺一個吹氣水池浸緊水，水池入面有啲玩具咁，張震嶽好想同個仔一齊浸，但知道如果佢同囝囝一齊浸，啲水會漏一半出嚟，所以最後佢浸腳算嘞，其實都幾溫馨吖。