何雁詩宣佈離開TVB：係時候跳出comfort zone去出面學習

2021-07-26 23:00

何雁詩（Stephanie ）因參加《超級巨聲》而簽約TVB，繼而正式入行，雖然早前有傳Stephanie將會離開TVB，不過她未有正面回應，只稱有消息就會公佈，到了今日，Stephanie在社交平正式宣佈離巢：「估唔到我人生第一份工一做就做咗12年。由中學畢業到結婚都係係呢間公司渡過。我所有關於呢一個行業嘅知識，都幾乎完全係TVB學習翻嚟！不過呢個世界係好大架，有好多地方&事情我都仲未見識過同埋需要學習。我都係時候跳出自己嘅comfort zone，去出面嘅世界學習一下。所以呢⋯由明天開始，我就會展開人生&事業的新一頁啦！」

她亦答謝過去照顧她的TVB同事：「好多謝各位TVB同事一直以來的照顧，特別係 tvb mom @lokvirginia 對我一直的包容和理解，所有照顧過我嘅同事&得力金牌歌手經理人，仲有各位一齊捱通頂，一起笑一起燥嘅兄弟姐妹們！多謝你哋俾我嘅所有回憶。江湖再見！」Stephanie的老公鄭俊弘留言撐老婆說：「加油！我永遠支持你。」江伊晴亦鼓勵：「一定有新嘅開始。」