【獨家】童年百厭 曾掉藤條落街避打 Jer罕提母子情淺談女友

2021-07-25 21:00
阿Jer平日少講私人事,今次訪問難得談到媽咪又提到女友。
阿Jer平日少講私人事,今次訪問難得談到媽咪又提到女友。

「金Jer暖男」(柳應廷)早前頻頻被《頭條日報》發現陪女朋友Kelly shopping,sweet sweet!不過身為「暖男」的阿Jer除了對女朋友好,對屋企人一樣咁有心嘅,講明有時間除咗見女友,仲一定會抽時間陪屋企人。最近他推出新歌《砂之器》大講母子情,連MV都勁催淚,他自爆畀柳媽媽睇時搞到對方眼濕濕,更透露原來他當日成為「金Jer」時,柳媽媽更加感動落淚,有媽咪呢個強勁後盾,成為他努力向前的原動力。撰文:杜淑霞 攝影:張詠森 造型:PIPA Creative 髮型:Man Chan@CHIC Private I Salon 化妝:Giann Cheung@AnnieG. Chan Makeup Centre 服裝:Celine、Giuseppe Zanotti

阿Jer平日少講私人事,今次訪問難得談到媽咪又提到女友。
阿Jer平日少講私人事,今次訪問難得談到媽咪又提到女友。
阿Jer在《狂人日記》和《砂之器》MV演技獲讚,對演戲興趣大增的他,更透露:「有套電影會拍,遲啲會公佈。」繼Anson Lo、Edan和姜濤後再有MIRROR成員闖影壇。
阿Jer在《狂人日記》和《砂之器》MV演技獲讚,對演戲興趣大增的他,更透露:「有套電影會拍,遲啲會公佈。」繼Anson Lo、Edan和姜濤後再有MIRROR成員闖影壇。

新歌《砂之器》是阿Jer的「重生三部曲」繼《狂人日記》後第二部曲,跟前曲有一連串關係,「經歷咗《狂人日記》嘅『狂人』破壞同身邊、屋企人所有關係後,點樣去面對番啲關係,你面對啲破壞咗嘅關係,你會有啲咩決定,我自己嘅choose就係想講『對唔住』,同埋希望對方原諒我,就算係上一世『狂人』同佢嘅屋企人,延續或者轉世去到今世媽媽同個仔呢個關係,你點樣去面對佢,所有嘢好似追看性嘅電影。」

《砂之器》MV中,阿Jer同媽媽關係極差,阿Jer坦承現實跟角色相差甚遠,但也有過叛逆時,「我又未去好似MV咁離家出走咁大鑊,細個有反叛俾媽咪打過,好似係我同家姐鬧交,佢用藤條打我哋,我同家姐之後將支藤條掉咗落街,哈哈!我諗嗰時十歲八歲(掉咗等媽咪打唔到你?)係呀!哈哈!(同MV收埋媽咪包煙有異曲同工之妙)係嘅,但係又唔會好似MV咁,我聽返嚟好多朋友會好似MV咁。(你性格唔係呢種人)都係!變相俾我睇到另一個世界。」他坦言演繹時有一定難度,「尤其係感情戲有起跌,最尾仲要喊喎!唔係咁容易。但喺現場一聽呢首歌就莫明其妙好有感受,好容易代入喊得出,同埋故事簡單易明,我係諗住自己媽咪,亦都希望提醒住自己要更加珍惜屋企人囉!尤其自己好忙好少返屋企,返屋企佢哋都瞓咗,早出晚歸好少見到佢哋個樣,嘩!你見到佢哋轉變嗰吓感受好大,好似首歌咁『望母親突然白了首』係最touching。」

阿Jer表示因《砂之器》反應好,已着手籌備「重生三部曲」第三部曲新歌,望年底前推出。
阿Jer表示因《砂之器》反應好,已着手籌備「重生三部曲」第三部曲新歌,望年底前推出。
《砂之器》MV中阿Jer演喊戲好自然,他解釋全靠想着柳媽媽。
《砂之器》MV中阿Jer演喊戲好自然,他解釋全靠想着柳媽媽。

入行首年壓力大

家人一直好支持阿Jer追夢,他第一時間將作品畀柳媽媽睇,「佢都多感受,因為呢首歌除咗講母子關係,係由十月懷胎講起,對於每個媽媽嚟講,十月懷胎係畢生難忘嘅事,我諗呢個MV令佢諗番起佗BB湊大到我𠵱家廿歲嘅過程,佢都覺得窩心。(媽咪有眼濕濕?)佢成日都眼濕濕,例如佢見到我工作到𠵱家,或者見到我喺台上攞獎,佢都好容易感動到喊嘅。(攞金獎時?)佢有㗎!屋企人講,佢應該係感動到滴咗幾滴眼淚嗰啲,又未至於激動地喊。(睇見媽咪咁會感動?)都係一個力量去畀自己行落去,屋企人對自己認同,佢哋不嬲都好support,如果有再多啲認同,我會更加有信心去做多啲自己想做嘅嘢。」

講到爭取時間頻頻同女朋友Kelly shopping,阿Jer坦言有壓力,「都有少少嘅,哈哈!但係冇得避免,作為公眾人物,自己言行留意吓囉!」對於「暖男」行為,陪女友又細心幫手攞嘢,阿Jer覺得有需要,「我覺得身邊嘅人都要抽時間陪,除咗所講女朋友,我覺得對屋企人都要擺時間,始終係一段關係嚟,關係要用時間或者用一啲行動去維繫囉!(咁忙點分配?)盡力囉!冇時間都要攝時間出嚟,如果冇時間去維繫,嗰段關係就會冇咗。」

重情的阿Jer對兄弟亦一樣好,《調教你MIRROR》曾爆喊講過為Anson Kong未能奪新人獎耿耿於懷,甚至寧願自己冇獎,他坦承節目後大家感情更好,「我本身係好care身邊人感受,都希望大家除咗工作合作,相處係好開心,大家唔好有條刺喺中間,呢個節目對我、對其他人幫助好大,將呢條刺掹走咗,完咗節目大家都好開心、融洽好多,好直接咁講嘢,男仔係爽快啲同埋容易唔記得啲嘢多啲。」他又透露入行以來第一年最大壓力,「第一年加入MIRROR,完全係做一啲唔係自己想做嘅嘢,我係想做歌手㗎!第一年唱嘅機會又唔係好多,淨係唱到團歌,又要跳舞,跳舞自己又唔叻啦!所以有好多壓力,又要見住姜濤同Ian單飛,見住佢哋會諗『點解人哋做自己想做嘅嘢,我唔可以有自己嘅嘢想做』會有呢啲感受,呢啲都係過程同經歷嚟,如果冇當時嘅我,唔會有𠵱家嘅我。」

《砂之器》大講母子情,由互相傷害到懂得講對不起和原諒。
《砂之器》大講母子情,由互相傷害到懂得講對不起和原諒。
現實中,阿Jer跟柳媽媽感情好好,而且媽咪仲好玩得。
現實中,阿Jer跟柳媽媽感情好好,而且媽咪仲好玩得。
阿Jer自認小時候頗百厭,試過掉藤條落街令媽咪打唔到。
阿Jer自認小時候頗百厭,試過掉藤條落街令媽咪打唔到。
早前阿Jer頻頻被《頭條日報》發現,陪女朋友Kelly shopping。
早前阿Jer頻頻被《頭條日報》發現,陪女朋友Kelly shopping。
阿Jer認為跟家人和女友,都需要時間維繫感情。
阿Jer認為跟家人和女友,都需要時間維繫感情。
阿Jer在《調教你MIRROR》曾爆喊講為AK未能奪新人獎耿耿於懷,寧願自己冇獎。
阿Jer在《調教你MIRROR》曾爆喊講為AK未能奪新人獎耿耿於懷,寧願自己冇獎。
阿Jer坦言《調教》後,MIRROR兄弟之間感情更好。
阿Jer坦言《調教》後,MIRROR兄弟之間感情更好。
關鍵字

最新回應

關鍵字

相關新聞

熱門文章