自揭疑似整容「黑歷史」 鄺潔楹少女箍牙look豬膽豬現形

TVB小花鄺潔楹（Judy）入行7年，以樣兒甜美可愛見稱，被稱為「仙氣女神」不過，Judy亦多次被傳整容，近日她就在其個人網上頻道上自揭「黑歷史」，翻出多張私相簿，大談整容疑雲！

Judy公開17歲時仍在美國讀高中的相片，不禁深呼吸，當時的Judy仍在箍牙兼豬膽鼻，她形容當時身體較現在重「30磅+」，比較鬼妹性格，反而更受男仔歡迎。她說：「我會跟同學去曬燈變成古銅色肌膚，當時風氣仲習慣化濃妝，打扮比較洋化。」

其後Judy到西雅圖讀大學，才開始接觸到亞洲人同學，這時的她才「女大十八變」，她說：「啱啱開始時，都係唔習慣唔化妝出街，會唔敢出門口，後來先搣甩上下眼線，加上瘦咗唔少，先慢慢變成而家大家見到我呢個熟悉嘅樣。」其實她的21歲的畢業相，跟17歲的舊照同樣是穿上白色背心，但對比極大。



到入行後多次被指變臉，Judy直言有段時間鼻腫腫，連自己也解釋不來，又直認有些節目靚相，是自己忍不住修圖。