【維港會】 MIRROR周五或現身屯門市廣場 街坊求前區議員代排隊

2021-07-21 15:10
盧俊宇接獲街坊求助,希望他協助排隊睇MIRROR。資料圖片/FB圖片
盧俊宇接獲街坊求助,希望他協助排隊睇MIRROR。資料圖片/FB圖片

組合MIRROR人氣爆燈,有指他們星期五將會聯同ERROR到屯門市廣場出席奧運開幕禮,引起大批粉絲熱議。前屯門樂翠區區議員盧俊宇則發文指,近日接獲街坊求助,希望他當日能「幫手排隊攞位」。

盧俊宇昨晚在社交媒體發文指,一名居住在美樂花園的街坊向他傳訊息,詢問MIRROR於本周五是否會到屯門市廣場,並指自己與老公亦很喜歡成員姜濤及「Anson BB」。然而,由於兩人亦需要工作,因此擔心當日未能及早到場,「如果盧議員辦事處可以幫手排隊攞位就好了」。他又指,由於自己未有回覆其訊息,對方隨後再傳訊息指,「我哋有投票畀你㗎,你唔覆街坊求助太唔負責任!」他無奈地留言指,「真心瘋狂,已放block list」(封鎖名單)。

不少網民紛紛留言批評涉事者的行為,直言「大佬呀唔好咁痴線啦」、「真fans點會要人排埋自己嗰份。要人排即係唔稀罕啦」、「唔係啩,幫手排隊???唔該發msg嘅人自己反省下啦」、「自己的星自己追!」等。另有人笑言「我好樂意提供協助,幫大家攬攬佢地全部」、「叫區議員代你去返工咪得囉」、「可唔可以幫我排市中心donki同埋壽司郎」等。盧俊宇在回覆網民則指,「老實講,我都想有人同我排呀,利申 Mirror Fans」。

盧俊宇接獲街坊求助。盧俊宇FB圖片
盧俊宇接獲街坊求助。盧俊宇FB圖片
盧俊宇。資料圖片
盧俊宇。資料圖片

關鍵字

最新回應

關鍵字

相關新聞

熱門文章