拍《大叔》初吻錫足廿幾次 AL嫌棄Edan：望你個樣難受咗兩年
2021-07-20 11:00 
MIRROR成員Anson Lo（盧瀚霆）和Edan（呂爵安）這對「牧田CP」拍完ViuTV《大叔的愛》後人氣極速急升，昨晚AL就在個人YouTube頻道上載片段，分享這對CP的「初吻」。與劇集的播出時序不同，拍攝第一場是在中環海濱發生的「拍拖初吻」，等埋位時經理人花姐叫二人試吓錫，但AL多次縮開，又指Edan「個嘴有黑邊，牙肉又凸，棚牙又黃」，似乎相當嫌棄，而Edan也以經典反白眼樣回應。
今場拍攝AL與Edan都十分緊張，連工作人員都緊張埋一份，更覺得兩位主角都會NG。不過Vlog就十分鬼馬，叫大家去ViuTV網上重溫呢一幕，但依然有獻上「牧田CP」第一Take，由AL忘記對白作結。花姐問螢幕初吻感覺如何？AL坦言「咀得太大力好痛」，又指自己應該撞到Edan門牙，不過導演好滿意，表示有戀愛感覺。最後二人錫足廿幾次，AL被讚側面好睇，而花姐更大爆AL和Edan魅力勁到「成班Crew係麻甩佬但都讚你哋靚仔」。
Edan表示對效果幾滿意，又指「觀眾睇都唔會難受」，即被AL笑住串：「你睇自己梗係唔難受啦，你都唔係觀眾，平時照鏡你難唔難受呀？」，令Edan一時語塞，表示「唔難受，你望多兩眼」時，AL反問：「你覺得呢？都已經難受咗兩年」，Mean得好好笑。
關鍵字
最新回應