15歲女兒Jilian客串演出 吳君如最怕做囉唆媽咪：唔好重覆講三次

真人真事改編電影，以殘奥徑賽金牌得主蘇樺偉作藍本的《媽媽的神奇小子》今日在銅鑼灣舉行展覽及慈善義賣，場內展出電影劇照及場景。除身兼監製兼主演的吳君如聯同演員梁仲恆及蘇樺偉母子，即場為粉絲簽書，君如的15歲女兒陳是知（Jilian）和姪女亦現身支持。

吳君如表示演出時好辛苦，當中有好多血汗，重看現場劇照仍然好激動，笑言經常喊到變「眼乾症」，因為有不少感情戲，當時導演提議她若喊不到就滴眼藥水。她說：「畀佢咁講，我已經笑到喊！即刻roll機。我睇咗部戲好多前期，但完整版留返同蘇樺偉母子一齊睇，我個女都未睇，打算成家人一齊入場感受下呢套戲嘅振奮。」

談到女兒Jilian可有見過她戲中的感性一面，君如笑言現實中的自己有時鬧女兒更感性，但認為跟女兒現階段的關係應該似朋友。她說：「如果次次惡過佢，會唔聽你講，同埋唔好重覆講三次，蘇媽有句金句『唔好鵝牌雞記』，即係唔好依依哦哦。我都叫佢有乜唔開心同我講，唔好自己解決。但佢唔算反叛，同我關係好親密。」她笑指今次威迫女兒到場買書支持，皆因為慈善幫助傷殘協會，而女兒亦樂於參與慈善活動，她透露片中女兒和姪女都有份客串演出，與梁仲恆擦肩而過。她說：「姪女嘅表演慾大過個女，阿女貪得意感受下媽媽拍戲，我都有封100蚊利是畀佢。」