獲吳君如讚冇偶像包伏 呂爵安同前輩演對手戲壓力大
2021-06-07 19:30Video Player is loading.
呂爵安（Edan）、鄭中基（Ronald）及梁詠琪（Gigi）今日現身主演的賀歲片《闔家辣》開鏡儀式。身兼監製及演員的吳君如，自爆跟Edan不乏搞笑及感情戲，又直言睇過對方的搞笑短片，所以邀請Edan試鏡，她笑稱：「試MIRROR鏡，作死！我同佢好多親密感情戲，但親密有好多種，總之我哋演一家四口。」面對眾多前輩，Edan坦言有壓力，但好開心有今次機會，自己會以學習心態演出。
不過，君如即大爆Edan擔心拍喊戲，幸今次有好多高手坐陣，所以也叫對方不用擔心，並大讚Edan：「佢同以前啲小鮮肉唔同，乜嘢都敢講，又冇偶像包伏。」至於近年不時參演新導演作品的Ronald，被問到今次演出是否收零片酬？他僅答是「開心價」，大家冇托手踭，有部份人亦提出不收分紅，Ronald笑道：「我太耐冇拍戲，加上同Gigi合作已經係10年前，仲要有得教Edan𢱑水吹。」Gigi則笑指接拍《闔》片要跟女兒申請，但好開心大家有工開，整個團隊合作好開心，對上一次跟Ronald合作時，對方都仲未生女兒。
關鍵字
最新回應