【女Fans集體流口水】男神浸浴派福利 朴敘俊影雜誌玩濕身透視

朴敘俊最近未有新作公開，時不時影吓雜誌相咁，其所屬公司Awesome娛樂就上載最新相片，佢竟然玩濕身派福利，真係搞唔掂。朴敘俊成個人浸喺浴缸，件恤衫又薄過紙，其實同睇晒上半身冇分別，好想叫佢着返好件衫，又想叫朴敘俊索性除埋佢，男神真係太清楚Fans想要咩。

官方Caption都表示浸浴系列係「今日重點」，更叫大家深呼吸之後先好睇，好好笑。朴敘俊日前更擊敗亞軍孔劉、季軍玄彬、並列第四金秀賢及姜河那，成為韓媒調查中14間大型製作公司最想合作的男明星。