【24年嚟最Fit】為《大叔》露肉戒澱粉 Edan貼半裸照教你P圖變大隻仔

2021-07-11 14:00

主演港版《大叔的愛》並在劇中晒六嚿腹肌的MIRROR成員Edan（呂爵安），於社交網分享其「首次下海晒肌」P圖，分享前後對比。他先笑指相片的對比度、飽和度及清晰度都要調至100，就「人人都可以好似有啲料到😎😎」，不過其實Edan為騷肌都有努力，他透露：「當知道《大叔》要除（衫），就下定決心要搞搞佢，起碼搞走個大肚腩先，所以就開始控制飲食，得閒就操吓。就算每日由朝拍到晚，有幾次凌晨返到去都唔瞓住，點都操一陣飲埋奶粉先瞓，都真係幾癲😂。」

Edan又指：「雖然最後都唔算好fit，但應該都係我24年嚟最fit嘅一次😆有限時間內都算係咁啦，我收貨㗎啦😎話晒我都唔係賣肉嘅😌同埋說服自己：『呀田』（角色名）好哋哋點會咁大隻㗎呢？🧐」不過他自爆接下來的工作必須操到好Fit，故現時目標是希望變到「大隻安」。Edan又感謝媽媽日日為他炮製「愛心盒」，唔係愛心飯盒，因為戒澱粉的他要走飯。