【獨家】投資6位數母女檔開音樂會 劉雅麗唔怕蝕錢最多白做

2021-07-07 23:20
劉雅麗投資6位數母女檔開音樂會,笑言要捧紅媽咪。
劉雅麗投資6位數母女檔開音樂會,笑言要捧紅媽咪。

疫情緩和,劉雅麗(Alice)急不及待同媽媽包曉華於8月3日假文化中心舉行一場《我和媽媽有個約會》音樂會,今次Alice全資6位數字做老細,兼一腳踼做埋監製,笑言出錢又出力去捧紅74歲嘅索媽媽:「捧紅咗佢,我咪可以退休囉!趁佢仲咁索,又唱得,sell溫情嘅母女檔音樂會唔多,應該有market喎!」採訪:方騫平 攝影:梁志明

劉雅麗投資6位數母女檔開音樂會,笑言要捧紅媽咪。
劉雅麗投資6位數母女檔開音樂會,笑言要捧紅媽咪。
劉雅麗同媽媽包曉華喺狗公園放狗兼跑兩吓練氣。
劉雅麗同媽媽包曉華喺狗公園放狗兼跑兩吓練氣。

日前劉雅麗媽媽曉華姐到狗公園放狗,帶住14歲來福慢跑,順道為8月音樂會備戰練吓氣。今次演出對曉華姐嚟講有啲難度:「佢話捧紅我,畀多啲歌我唱,到時要唱成20首歌,死啦!年紀大,背唔到咁多。」劉雅麗則說:「我拍住佢唱,我壓力都大㗎!我成日話我做唔到青出於藍,其實鍾意做音樂劇,都係自細受媽媽影響。」

劉雅麗同媽咪籌備開Show有拗撬,不過兩母女冇隔夜仇。
劉雅麗同媽咪籌備開Show有拗撬,不過兩母女冇隔夜仇。
劉德華係劉爸爸契仔,至今依然好照顧劉家。
劉德華係劉爸爸契仔,至今依然好照顧劉家。

雖然演出場數只批到一晚,而且入場觀眾得七成半,有啲失預算,但劉雅麗冇工開年幾,都唔想再無了期等落去,開住一場試水溫先,反應好就係9月移師其他場地開part 2。自資6位數的劉雅麗唔擔心損手離場:「計過數,最差都係白做冇人工,因為我哋第一次搞show,好多朋友都會買飛撐場,昔日演藝學院同學王祖藍買20張,劉德華好錫我媽咪,就算唔喺香港都會買飛撐場。」劉雅麗爸爸係生意人,跟華哥及發哥有淵源,發哥係劉爸爸契仔,經他介紹識埋華仔,當年華仔想喺廣播道租屋獨居,搵劉爸爸幫手搵租盤,劉爸爸建議他買樓,仲叫發仔帶埋華仔去登台搵首期,最終做成業主。曉華姐大讚華仔有情有義:「有段日子冇同華仔聯絡20年,點知我哋因為樓宇轉按問題,要10幾萬嚟應急,華仔即幫手,上次佢開演唱會,都有幫我哋撲咗30張飛,仲喺第6行㗎。」

發哥當年同劉爸爸成日去大排檔撐枱腳,自然同劉雅麗及劉媽媽好熟。
發哥當年同劉爸爸成日去大排檔撐枱腳,自然同劉雅麗及劉媽媽好熟。
劉雅麗希望母女檔演出長做長有,8月3日演出一場《我和媽媽有個約會》只係試水溫。
劉雅麗希望母女檔演出長做長有,8月3日演出一場《我和媽媽有個約會》只係試水溫。
昔日劉雅麗演藝學院同學王祖藍出Post力撐。
昔日劉雅麗演藝學院同學王祖藍出Post力撐。
關鍵字

最新回應

關鍵字

相關新聞

熱門文章